Белгілі ақын әрі журналист қайтыс болды

Ақын Тоқтарәлі Таңжарық ақын әрі журналист Серік Боқанның көз жұмғанын айтты, деп хабарлайды Bugin.kz порталы. 

Ақын Тоқтарәлі Таңжарық желіде жазба жариялап, әріптесі туралы сыр шертті. 

“Ол бұл өмірдің қулық-сұмдығын үйрене алмай-ақ кетті. Басын тауға да, тасқа да ұрды. Ақыры, діннен марқадам тапты... бәлкім, таппады. Өзін көп іздеді. Өзін сыйлайтын ортаны көп іздеді. Жолы болмады. Үнемі тығырыққа тіреле берді. Өзі де менің алдымнан бір кетпелтек томар кетпейді деуші еді. Шынымен, тап-таза еді. Тез жараланғыш еді. Онысын білдірмейтін. Өзін дәлелдегісі келетін. Дәлелдей алмады!”, - деп жазды ол.

Серік Боқан “Жас қазақ үні” газетінде, “Үн” журналында қызмет атқарған.