Түркия астанасында теракт болды

Түркия астанасында теракт болып, 5 адам көз жұмды, деп хабарлайды Bugin.kz. 

Анкара қаласындағы TUSAŞ аэроғарыш компаниясының жанында жарылыс болды. Автоматпен қаруланған үш белгісіз адам ғимаратқа кіріп кеткен. 

Олардың бірі – әйел адам. Олар ғимараттың кіреберісіне көлікпен келіп, қол гранатасын лақтырған. 

5 адам қаза тапты, 14 адам жарақат алды. Sabah газеті үш лаңкестің екеуінің өлтірілгенін хабарлады. Қаза болғандар арасында бақылау-өткізу бекетінде отырған күзетші бар. 

Лаңкестер бірінші болып әуелі осы күзет бекетіне оқ жаудырған, кейін өзін жарып жіберген.