ТҮРКІСТАН: ҚАЗЫҒҰРТТЫҚ ҰСТАЗ ЕЛІМІЗДІҢ ҮЗДІК ПЕДАГОГЫ АТАНДЫ

Түркістан облысы Қазығұрт ауданындағы мамандандырылған «Дарын» мектеп-интернатының химия пәні мұғалімі Олжас Имадуллаев Елордада өткен «Үздік педагог-2024» конкурсының республикалық кезеңінде жеңімпаз атанды. Салтанатты шарада еліміздің бас ұстазы Ғани Бейсембаев жыл сайын қазақстандық ұстаздар халықаралық деңгейде жоғары көрсеткіштерге қол жеткізіп келе жатқандығын атап өтті, деп хабарлайды Bugin.kz порталы Түркістан облысы әкімдігіне сілтеме жасап.

Айта кетейік, аталмыш байқауға биыл 1 750 мұғалім қатысып, 64 педагог өз ісінің үздігі болып танылған. Оның ішінде, Түркістан облысында үш педагог «Үздік педагог» атанған. Нәтижесінде республикалық байқау жеңімпаздары «Үздік педагог» куәлігі және төсбелгісімен, сондай-ақ 1 000 АЕК (3,6 млн теңгеден астам) мөлшерінде ақшалай сыйақымен марапатталды.