Төбелестен соң ауруханаға түскен: Петропавлда жасөспірімдердің ісі елдің ашуына тиді

Петропавлда 17 жастағы жасөспірім төбелестен соң ауруханаға түсіп қалды, деп хабарлайды Bugin.kz порталы. 

Қазіргі уақытта күдікті ұсталып, қылмыстық іс қозғалған. СҚО ПД баспасөз қызметінінің мәліметінше, төбелес туралы ақпарат 2 қараша күні сағат 19:00-де түскен. Оқиға орнына бірден тәртіп сақшылары жеткен. Жанжал салдарынан Петропавл қаласының 17 жастағы тұрғыны жедел жәрдеммен ауруханаға жеткізілді. Аталған фактіге қатысты Қылмыстық кодекстің 106-бабы 2-бөлігі 7-тармағы бойынша қылмыстық іс қозғалды. Кәмелетке толмаған күдікті ұсталды. Жасөспірімнің ата-анасын бала тәрбиесіне қатысты міндеттерін орындамағаны үшін жауапқа тарту мәселесі қарастырылып жатыр. Жеткіншек профилактикалық есепке алынды.