Қарағанды облысында құрылысшы көз жұмды

Қарағанды облысында “Qaragandy Power Silicon" зауытында жұмысшы мерт болды, деп хабарлайды Bugin.kz порталы.

Еңбек инспекциясы басқармасының мәліметінше, оқиға 3 қазан күні монтаждау және дәнекерлеу жұмыстары кезінде болған.

"Салынып жатқан "Qaragandy Power Silicon" зауытында қосалқы мердігер компанияның қызметкері биіктен құлап кетті, бұл оқиғаны тексеру үшін комиссия құрамыз", - деп хабарлады Қарағанды облысының еңбек инспекциясы жөніндегі басқарма өкілдері.

Облыстық полиция департаменті өкілдері бұл оқиға бойынша Қылмыстық кодекстің 156-бабының 3-бөлігі "Абайсызда адам өліміне әкеп соққан еңбек қауіпсіздігі ережелерін бұзу" бойынша соталды тергеу басталғанын айтты.