5 қарашаға арналған ауа райы болжамы

Синоптиктер 5 қарашға арналған ауа райын ұсынып, бірнеше өңірге ескерту жариялады, деп хабарлайды Bugin.kz порталы. 

Мамандардың айтуынша, Манғыстау облысының солтүстік-батысында қатты жаңбыр жауады. Ақтөбе облысының басым бөлігінде көктайғақ күтіледі. Ал Қарағанды облысының солтүстігінде, оңтүстігінде, шығысында тұман, көктайғақ болады.

Батыс Қазақстан облысында жаңбыр, қар жаууы ықтимал. Тұман, көктайғақ, облыстың батысында, солтүстігінде бұрқасын күтіледі. Сонымен қатар Шығыс Қазақстанда, Павлодар қаласында көктайғақ, тұман күтіледі.

Атырау, Түркістан, Жамбыл облысының оңтүстігінде, Шымкентте қатты жаңбыр жауады. 

Астана қаласында, Ақмола, Қызылорда, Қостанай облысында тұман түседі.