Bugin
Фото: Сарыағаш ауданы әкімінің баспасөз қызметі
Бокстан Еуропаның Черногория мемлекетінің Будва қаласында жастар арасында 2024 жылдың 25 қазаны мен 3 қарашасы аралығында әлем чемпионаты өтті, деп хабарлайды Bugin.kz порталы Сарыағаш ауданы әкімінің баспасөз қызметіне сілтеме жасап.
Аталған чемпионатқа Сарыағаш ауданынан үш бұрымды бойжеткен қатысып әлем чемпионатының қола жүлдегері атанды. Атап айтқанда,ауданға қарасты Ақжар ауылының тумасы Аружан Жаңабаева 63 келі салмақ дәрежесінде, Қызылжар ауылынан Бағжан Отынбай 52 келі салмақ дәрежесінде, Дархан ауылынан Нәлібай Шұғыла 75 келі салмақ дәрежесінде әлем чемпионатының қола жүлдесіне ие болды. Боксшы қыздарымыз Сарыағаш аудандық «Қажымұқан» атындағы балалар-жасөсіпірімдер спорт мектебінің түлектері.
Жаттықтырушылар мен спортшыларды жеңістерімен құттықтап, жаңа жетістіктер тілейміз!
Bugin.kz
Қосымшаны жүктеп алыңыз
