Ақтөбеде жоғалған 65 жастағы ер адамның жағдайы белгілі болды

Ақтөбелік құтқарушылар жоғалып кеткен адамды тапты, деп хабарлайды Bugin.kz порталы. 

Алдын ала мәлімет бойынша, 65 жастағы ер адам ауа райының қолайсыздығына қарамастан мал жаюға кетіп, байланысқа шықпай қалған. Іздеу-құтқару нәтижесінде ол облыс орталығының тұрғын алабынан 8 шақырым жерден табылды. 

Сондай-ақ облыстағы мал тексеруге шығып, қарда тұрып қалған 2 ер адам құтқарылды. Қайтар жолда оларға қар құрсауында тұралаған тағы бір автокөлік кездесіп, ішінен 2 адам эвакуацияланды. Қазір 4 адам да тұрғылықты жеріне жеткізілді. Мамандардың айтуынша, ешкім медициналық көмекке мұқтаж болмаған.