Алматы облысында жоғалған 51 жастағы ер адамның жағдайы белгілі болды

Алматы облысында 51 жастағы ер адамның денесі табылды, деп хабарлайды Bugin.kz порталы. 

Мәліметтерге сүйенсек, мәйіт Алмалыбақ ауылының шетіндегі егістік алқаптан табылған. Ер адам 2 қарашада із-түзсіз жоғалып кеткен. 51 жастағы ер адамның денесінде зорлық-зомбылық белгілері табылды.

Полиция адам өлтіру фактісі бойынша қылмыстық іс қозғады. Қылмысқа қатысы бар деген төрт күдіктіні ұсталып, уақытша ұстау изоляторына қамалды.