Түнде шығып кеткен: із-түзсіз жоғалған әйелдің мәйіті табылды

Өзбекстанда із-түзсіз кеткен 22 жастағы әйел өлі табылды, деп хабарлайды Bugin.kz порталы.

Zamon.uz-дың мәліметінше, әйелдің жоғалғаны туралы полицияға күйеуі хабарлаған. Мәліметтерге сүйенсек, әйел түн ортасында үйінен шығып кеткен екен. 

Жергілікті полиция мен ауыл тұрғындары әйелді іздеген. 22 жастағы келіншектің денесі Жаңа базар қаласындағы Қарасу каналынан табылды. 

Қазір тергеуге дейінгі тексеру амалдары жүргізіліп жатыр.