Шымкенттік батыр ана 39 жасында 5 келі сәбиді дүниеге әкелді

Шымкенттік 39 жастағы көпбалалы ана салмағы бес келіден асатын оныншы баласын дүниеге әкелді, деп хабарлайды Bugin.kz порталы Otyrar сайтына сілтеме жасап.

Otyrar басылымының жазуынша, Шымкент тұрғыны Гүлбану Пірімқұлова 6 қараша күні толғағы келіп, қалалық перзентханаға жатқызылған. Әйел 5 келі салмақтағы сәбиін табиғи жолмен, өз күшімен босанған. Медицина қызметкерлері бүкіл көмекті көрсеткен.

Оныншы баласын сүйіп отырған Гүлбану 19 жасында тұрмыс құрған. Жұбайы Болаттың жасы 43-те. Ерлі-зайыптылар 20 жылдық отбасылық өмірінде 10 баланың ата-анасы атанып отыр.