Bugin
Фото: Бәйдібек ауданы әкімдігі
Түркістан облысында жәрмеңке өтті, деп хабарлайды Bugin.kz порталы Түркістан облысы баспасөз қызметіне сілтеме жасап.
Бүгін аудан орталығындағы Тәуелсіздік алаңында аудан шаруалары мен дихандарының күзгі жиын-терімді қорытындылауына арналған ауыл шаруашылығы тауар өндірушілерінің өнімдерінің жәрмеңкесі өтті.
Жәрмеңкеге ауданымыздың барлық ауылдық округтеріндегі шаруалар мен дихандар ауыл шаруашылығы өнімдерінің бірнеше түрін әкеліп, аудан тұрғындарына ұсынды.
Атап айтқанда картоп, пияз, сәбіз, қырыққабат, алма, айран, сүт, сиыр, қой еттері, сары май, құрт, жаңғақ, асқабақ, қызыл бұрыш, қымыз нарықтағы бағадан 15-20 пайызға төмен сатылды.
Мерекелік іс-шарада аудан әкімінің орынбасары Бақыт Қызғызалиев және аудандық мәслихат төрағасы Имангелді Түймебаев шаруалардың жәрмеңкеге шығарған өнімдерін аралап көріп, құттықтау сөз сөйлеп, сала үздіктері мен бұқаралық ақпарат құралдарының өкілдерін және бірқатар еңбек ардагерлерін марапаттады.
Сонымен қатар жәрмеңкеде спорт түрлерінен сайыс ұйымдастырылып, іс-шара аудандық мәдениет үйі өнерпаздарының концертімен жалғасты.
Альфия Адамбек
Қосымшаны жүктеп алыңыз
