ТҮРКІСТАН: КҮЗГІ ТАЛ ЕГУ ЖҰМЫСТАРЫ ЖАЛҒАСУДА

Түркістан облысында күзгі тал егу жұмыстары жалғасуда, деп хабарлайды Bugin.kz порталы Түркістан облысы баспасөз қызметіне сілтеме жасап.

Түркістан облысы, Бәйдібек аудан көлемінде күзгі тал егу  жұмыстары жалғасуда. Аудан орталығындағы ағаш отырғызу шарасына аудан әкімінің орынбасары Самат Рысбеков қатысып, аудан жастарымен бірге тал көшеттерін отырғызды.

Бекітілген жоспар бойынша 2024 жылдың күз айларында 23 300 түп ағаш көшеттерін отырғызу белгіленген. Бүгінгі таңға 2000 түп терек, 2000 түп тұт және 17 100 түп қараағаш көшеттері отырғызылды. 

Сонымен қатар, Самат Алтынбайұлы барлық тұрғындарды аталған шараға қолдау білдіріп, ауламызды, көшемізді тазартып, ауданымызды жасыл желекке айналдардыруға атсалысуға шақырды. 

Жоспарға сәйкес  алдағы уақытта 2000 түп айлант және 200 жиде көшеттерін егу жұмыстары жалғасатын болады.