Енді елде 40-қа жуық азық-түлік түрін сатуға және сатып алуға тыйым салынды

Қазақстанда 40-қа жуық азық-түлік түрін сатып ала алмайсыз, деп хабарлайды Bugin.kz порталы.

Сауда және интеграция министрлігі тексерістен кейін осындай шешім шығарды. 

Мәліметтерге сүйенсек, әрбір екінші өнім денсаулыққа қауіп төндіреді. Зерттеу әртүрлі тағамдар мен тұрмыстық химияның 1423 үлгісін қамтыды. Нәтижелері бойынша 69% жағдайда заң бұзушылықтар анықталған.

"Өнімнің 43 түрі үшін сәйкестік декларациялары жойылып, тоқтатылды. Яғни Қазақстан аумағында сатуға тыйым салынды. Ең көп таралған құқық бұзушылықтар: Өнімдердің 83% - дан астамы таңбалау талаптарына сәйкес келмеді. 
Үлгілердің 17%-ы санитарлық-эпидемиологиялық талаптарға сәйкес келмеді. 
224 кәсіпкерлік субъектіге қатысты анықталған заң бұзушылықтар үшін әкімшілік жауапкершілік шаралары қабылданды. Сүт өнімдерінің жағдайы ерекше алаңдаушылық тудырады. Йогурт пен айран үлгілерінің 70% - да құрамында консерванттар санының артуы анықталды", - деп толықтырылды хабарламада.

Бұл балалар мен тағамдық аллергиясы бар адамдардың денсаулығына теріс әсер етуі мүмкін.