Алматы облысында ер адам таныс келіншекті өртеп жіберді

Алматы облысында ер адам таныс әйелмен жанжалдасып, оны өртеді, деп хабарлайды Bugin.kz порталы. 

HALYQSTAN телеграм арнасында осындай ақпарат тарады. Мәліметтерге сүйенсек, жанжал Бәйдібек ауылында болған. Ер адам және онымен бірге тұратын әйел кісі ішімдік ішкен. Кейін екеуінің арасында жанжал туындап, жаға жыртысады. Нәтижесінде ішімдікке сылқия тойған ер адам әйелге бензин құйып, өртеп жіберді. Ол ауруханаға II дәрежелі күйікпен жатқызылды. 

Полиция “Денсаулыққа қасақана ауыр зиян келтіру” фактісі бойынша қылмыстық іс қозғады. Күдікті ұсталып, қамауға алынды.