Қостанайда полиция көлігі жол апатына ұшырады

Қостанайда полиция көлігі жол апатына түсті, деп хабарлайды Bugin.kz порталы. 

Жол апаты Қобыланды батыр даңғылында болған. Қостанай облысы Полиция департаменті мәліметінше, қызметтік автокөлік жүргізушісі жарық дабылдарын қосып келе жатып, қиылыстағы қауіпсіздікке көз жеткізбей, Lada 21074 көлігімен соқтығысқан.

"Жол-көлік оқиғасы салдарынан ешкім зардап шеккен жоқ, алайда екі автокөлікке де зақым келіп, материалдық шығынға ұшырады. Жол апаты бойынша әкімшілік іс қозғалды. Іс материалдары процессуалдық шешім қабылдау үшін сотқа жіберіледі", - деп хабарлады ведомство.