Танымал көлік компаниялары жаппай жұмыс орындарын қысқартып жатыр

Bosch, Audi, Volkswagen сияқты ірі концерндер жаппай жұмыс орындарын қысқартуға кірісті, деп хабарлайды Bugin.kz порталы. 

Тұрмыстық техника шығарумен айналысатын Bosch компаниясы жылдың соңына дейін 1500 қызметкерді жұмыстан шығармақ. Немістің автомобиль шығаратын концерндері Германия мен Бельгиядағы бірнеше зауытын жаппақ. 

Бүкіләлемдік банктің мәліметінше, соңғы 30 жылда Еуропада ішкі жалпы өнімдегі өндірістің үлесі 18 пайызға азайған. Салаға 800 млрд еуро инвестиция қажет екен. 

Audi, Volkswagen сияқты ірі көлік компаниялары да жұмысшылар қатарын азайтуға шешім қабылдаған. Мамандардың айтуынша, бұндай дағдарыс көліктердің саны мен түрінің көбеюінен болуы мүмкін.