Жамбыл облысында анасы мен баласы көлік ішінде өртеніп кетті

Жамбыл облысында жол апаты болып, автокөлік ішіндегі ана мен оның екі жастағы баласы өртеніп кетті, деп хабарлайды Bugin.kz порталы. 

Қайғылы оқиға 24 қарашада кешкі сағат 20.50-де болған. Батыс Еуропа – Батыс Қытай республикалық маңызға ие жолдың 369 шақырымында жол апаты болды. 

"Таразға бара жатқан "ВАЗ-2114" және BMW автомобильдері жол шетіне тоқтаған, бұл уақытта Mercedes автокөлігінің 44 жастағы жүргізушісі көлікті басқара алмай, екі автомобильмен соқтығысқан. BMW автокөлігінің жүргізушісі мен оның кәмелет жасқа толмаған ұлы сол жерде қаза тапты", - деп хабарлады Жамбыл облысы полициясының департаменті. 

Осы оқиғаға қатысты қылмыстық іс қозғалды. Mercedes автокөлігінің жүргізушісі уақытша ұстау изоляторына қамалды.