Түркістанда қызметкерлерінің сыйақысын жымқырған басшы сотталды

Облыстық ветеринария басқармасының “Ветеринарлық қызмет” ШЖҚ МКК басшысы аудандық ветеринариялық қызметтердің 115 қызметкеріне сыйақы ретінде төленген жалпы сомасы 5,5 млн теңгені жинау арқылы қызметтік өкілеттігін асыра пайдаланғаны үшін кінәлі деп танылды, деп хабарлайды Bugin.kz порталы. 

Сот үкімімен Б. Бегмановқа 3 жыл 6 ай мерзімге бас бостандығын шектеу жазасы тағайындалды. Енді ол мемлекеттік қызметте және квазимемлекеттік сектор субъектілерінде лауазымды қызмет атқару құқығынан өмір бойына айырылды.