Астанадағы студенттер қашықтан оқиды

27-28 қарашада астаналық студенттер қашықтан оқиды, деп хабарлайды Bugin.kz порталы. 

27-28 қараша күні Астана қаласындағы жоғары оқу орындарының оқу форматы өзгереді. Бұл туралы Ғылым және жоғары білім министрлігінің қоғаммен байланыс департаментінің директоры Олжас Беркінбаев мәлім етті.

“4 жоғары оқу орны қашықтан, 2 жоғары оқу орны ішінара қашықтан, 2 жоғары оқу орны каникул (1 триместр), 5 жоғары оқу орны дәстүрлі (офлайн) форматта оқиды. Оқу форматына қатысты шешімді жоғары оқу орындары академиялық саясатына сәйкес дербес қабылдайды”, - деді министрлік өкілі Олжас Беркінбаев.

Мектеп оқушылары мен колледж студенттері үшін сабақ әдеттегідей форматта өтеді.