ТҮРКІСТАН ОБЛЫСЫ: "ҚЫС-2024" ОҚУ ЖАТТЫҒУ ЖИЫНЫ ӨТТІ

Түркістан облысы Бәйдібек ауданында оқу жаттығу жиыны өтті, деп хабарлайды Bugin.kz порталы Түркістан облысы әкімдігінің баспасөз қызметіне сілтеме жасап. 

Қыс мезгілінде болуы мүмкін төтенше жағдайлардың алдын алу және жою бойынша іс-қимылдарға азаматтық қорғаудың мемлекеттік жүйесін одан әрі жетілдіру, сондай-ақ азаматтық қорғаудың басқару органдарын, күштері мен құралдарын қысқы кезеңдегі төтенше жағдайларға жедел ден қою мақсатында ағымдағы жылдың 21-22 қараша күндері аралығында "ҚЫС-2024" Республикалық командалық штабтық оқу жаттығу жиыны өткізілуде. 

Авариялық құтқару және кезек күттірмейтін жұмыстар жүргізу орындарына жіберу, бағыттарын анықтау, аудандық жедел ден қою жасағын және аудандық азаматтық қорғау күштері мен құралдарын аудан әкімдігінің алдындағы алаңға жинап сапқа тұрғызылды. 

Ауданы әкімінің орынбасары Б. Қырғызалиев және аудандық төтенше жағдайлар бөлімінің бастығы, азаматтық қорғау полковнигі Қ. Әуелбеков аудандық жедел ден қою жасағының және аудандық азаматтық қорғау күштері мен құралдарының дайындықтарын аралап көріп, төтенше жағдайлар барысында атқарылатын жұмыстар пысықталды.