Bugin
Фото: Келес ауданы әкімдігі
Түркістан облысы Келес ауданының әкімі Жәнібек Ағыбаев Сегізінші шақырылымдағы Келес аудандық мәслихатының кезектен тыс жиырмасыншы сессиясына қатысты, деп хабарлайды Bugin.kz порталы Түркістан облысы әкімдігінің баспасөз қызметіне сілтеме жасап.
Келес аудандық мәслихатының төрағасы Нұржан Шаулиев төрағалық еткен сессияға аудандық мәслихат депутаттары, дербес бөлім басшылары, және ауыл, ауылдық округ әкімдері қатысты.
Кезектен тыс сессияның күн тәртібінде Келес аудандық мәслихатының 2023 жылғы 25 желтоқсандағы №9-86-VIII «2024-2026 жылдарға арналған ауыл және ауылдық округтердің бюджеттері туралы» шешіміне өзгерістер енгізу туралы және Келес ауданында бөлшек салықтың арнаулы салық режимін қолдану кезінде салық мөлшерлемесінің мөлшерін төмендету туралы мәселелер қаралды.
Баяндамашыларға аудандық мәслихат депутаттары өздерінің сұрақтарын қойып, ұсыныс-пікірлерін ортаға салды. Аталған мәселелер бойынша сессия отырысында баяндалып, жан-жақты талқыланғандықтан, депутаттар бірауыздан қолдап, шешім қабылдады. Күн тәртібінде қаралған мәселелерге тиісті шешімдер шығарылды.
Альфия Адамбек
Қосымшаны жүктеп алыңыз
