Студенттердің шәкіртақысы 500 мың болатыны рас па?

2028-2029 оқу жылына дейін стипендия 100% өседі, деп хабарлайды Bugin.kz порталы Қазақстан ұлттық арнасына сілтеме жасап. 

ҚР Ғылым және жоғары білім министрі Саясат Нұрбек Мәжіліс кулуарында студенттердің шәкіртақысына қатысты сауалға жауап берді. 

“Магистратура, докторантура студенттері үшін шәкіртақы жыл сайын 20%-ға өсіп отырады. 2028-2029 оқу жылына дейін 100 пайызға өседі. Мәселен, докторантураның шәкіртақысын осы уақытқа дейін 500 мың теңгеге жеткіземіз. Бұл алдағы бесжылдыққа арналған жоспар”, - деді министр.