Алматы маңында 4 адамның ажалы ағаштан болды

Қаскелеңде жүргізуші рульге ие бола алмай, ағашқа соғылды. Апат салдарынан төрт адам қаза тапты, деп хабарлайды Bugin.kz порталы. 

Полицейлер жол-көлік оқиғасы бойынша қылмыстық іс қозғады. 

“25 қарашада "Алматы-Бішкек" тасжолының 29-шақырымында келе жатқан Hyundai Accent көлігінің жүргізушісі рульді басқара алмай, ағашқа соғылды", - деп хабарлады Алматы облыстық полиция департаменті өкілдері. 

Апат салдарынан жүргізуші мен үш жолаушы қаза тапты. Түрлі жарақат алған тағы үш адам аудандық ауруханаға жатқызылды.