28 қарашадағы ауа райы болжамы

Елдің басым бөлігінде тұман, оңтүстік-батыста жаңбыр мен қар түрінде жауын-шашын түсіп, көктайғақ болады және жел күшейеді деп болжанды, деп хабарлайды Bugin.kz порталы. 

Астанада көшпелі бұлт шығады. Ауа температурасы түнде -13-15°С, күндіз -2-4°С аяз.

Алматыда көшпелі бұлт шығады. Ауа температурасы түнде 0+2°C, күндіз +13+15°C.

Шымкентте көшпелі бұлт шығады, жауын-шашынсыз. Ауа температурасы түнде +3+5°C, күндіз +16+18°C жылы.

Атырау облысында көктайғақ күтіледі.

Маңғыстаудың батысында қатты жаңбыр күтіледі. Облыстың солтүстігінде тұман, көктайғақ болады.

Алматы, Астана, Шымкент, Ақтөбе, Өскемен, Семей, Риддер, Қарағанды, Теміртау, Павлодар, Көкшетау, Қостанай және Петропавл қалаларында ауа сапасы нашарлайды.