Ер адам өз қызын зорлап, артынша асылып қалды

Ер адам мас күйінде өз қызын зорлап, есін жиған соң асылып қалған, деп хабарлайды Bugin.kz порталы.

Құқық қорғаушы Ләззат Рақышева әлеуметтік желіде өзіне келген хаттың бірін жариялады. Хат авторы ер адам өз қызын зорлап, асылып қалғаны туралы жазған.

“Жеңгемнің қызын туған әкесі зорлап, артынан өзі асылып қалыпты. Жеңгеміздің 4-5-сыныпта оқитын қызын бұрынғы күйеуі, яғни сол қыздың туған әкесі мас күйде зорлап тастаған екен. Есін жиған кезде не бүлдіргенін ұғып, асылып қалыпты. Содан бұл жеңгеміз қызынан бас тартып, түрлі қалаларда жұмыс істеп жүріп, осы әкемнің інісіне жолығып отау құрады. Зорланған қызын бойжеткесін қазір біреулер әйелдікке алыпты”, - делінген хатта.

Хат авторы жеңгесінің екінші тұрмысында да осы жағдай қайталануынан қорқатынын жазған.