Әбиба Әбужақынова тұрмыс құру туралы тың мәлімет айтты

Әбиба Әбужақынова Qazaqstan телеарнасының "Әйел әлемі" бағдарламасында сұхбат берді, деп хабарлайды Bugin.kz порталы. 

Сұхбат барысында отандық спортшы тұрмыс құру жоспарында жоқ екенін айтты. Әбибаның айтуынша, моральдық-психологиялық тұрғыдан ол әлі күнге дейін Олимпиада ойынындағы сәтсіздігінен қынжылады.

"40-қа келсем де, 50-де болсам да Париж Олимпиадасындағы жеңілістің ащы дәмін ұмытпаймын. Бала кезімнен спортшы болу үшін көп нәрседен бас тарттым. Отбасылық мерекелер, той-жиындар бәрі менсіз өтті. Сондықтан менің қазіргі басты міндетім — келесі Олимпиада ойындарына ден қою",- деді спортшы.

Спортшы отбасыдан бұрын спортты жоғары орынға қоятынын жасырмады. 

"Әйел адамның бақыты отбасында екенін білемін, бірақ мен алдымен спорттағы арманымды орындауым керек. Олимпиала медалінсіз тұрмысқа шықпаймын", — деп түйіндеді дзюдошы.

Әбиба жеңістерінің қатарына Олимпиада медалі жетіспей тұрғанын айтты.