Кегенде Заманбек Нұрқаділовке ескерткіш-бюст ашылды

Алматы облысы Кеген ауданында қоғам қайраткері Заманбек Нұрқаділовке арналған ескерткіш-бюст ашылды, деп хабарлайды Bugin.kz порталы.

Салтанатты шара 2024 жылғы 2 желтоқсанда болды. Бұл шара Мемлекет басшысы Қасым-Жомарт Тоқаевтың тапсырмасы аясында жүзеге асырылды. Ескерткіштің ашылу рәсімі Заманбек Нұрқаділов атындағы өнер мектебінің алаңында ұйымдастырылды. Сонымен қатар Кеген ауылындағы балалар өнер мектебіне Заманбек Нұрқаділовтің есімі берілді.

Салтанатты шараға мемлекет және қоғам қайраткерлері, ақын-жазушылар, танымал тұлғалар мен қайраткердің отбасы мүшелері қатысты.  Заманбек Нұрқаділовтің ұлы Қайрат Нұрқаділов бюстің ашылу рәсімін орындады.

Ескерткіштің авторлары – мүсінші Айдос Бүркітбаев пен Тимур Нұрмұхаметов.

Салтанатты рәсімнен кейін қатысушыларға Заманбек Нұрқаділовтің өмірі мен қызметі туралы “Не только о себе” атты кітаптың 300 данасы таратылды.