Алматыда тау шыңынан құлаған жасөспірімнің жағдайы белгілі болды

Алматыда тауға шыққан жасөспірімдердің бірі Хрищатый шыңына шыққан кезде биіктен құлап, ауыр жарақат алды, деп хабарлайды Bugin.kz порталы. 

Оқиға туралы Алматы қаласының құтқару қызметінің баспасөз қызметі мәлімдеді. Төтенше жағдайлар департаментінің кезекші бөліміне оқиға туралы хабарлама сағат 11:55-те түскен. Оқиға орнында зардап шеккен адамның үш досы болған, олардың жасы 15-17 жас аралығында. Олар өздерінің досының биіктен құлап кеткенін және құтқарушылардың шұғыл көмегі қажет екенін айтқан.

Құтқарушылар зардап шеккен жасөспірімді ауыр жағдайда тапты. Шамамен 15:30-да құтқарушылар Республикалық жедел-құтқару жасағының (РЖҚЖ) қызметкерлерімен кездесіп, зардап шеккенді бірлесіп түсіруді жалғастырды. Жасөспірім төменге жеткізілді, оған қажетті медициналық көмек көрсетілген.