ТҮРКІСТАН ОБЛЫСЫНДА ШЫНАР АҒАШЫНЫҢ КӨШЕТТЕРІ ОТЫРҒЫЗЫЛДЫ

Түркістан облысы Бәйдібек ауданында шынар ағаштарының көшеті отырғызылды, деп хабарлайды Bugin.kz порталы Түркістан облысы әкімдігінің баспасөз қызметіне сілтеме жасап. 

Қазақстан мәслихаттарының құрылғанына 30 жыл толуына орай аудан орталығы Шаян ауылындағы М.Әуезов көшесінің бойынан арнайы белгіленген орынға аудан әкімі Ерлан Нұрмаханов, аудандық мәслихат төрағасы Имангелді Түймебаев және сегізінші шақырылымдағы аудандық мәслихат депутаттары 30 түп шынар ағашының көшеттерін отырғызды. 

Шарада аудан әкімі Ерлан Заипұлы халық қалаулыларын 30 жылдық мерекемен құттықтап, ауданның көркейту-көгалдандыру жұмыстарына атсалысып, жасыл желекке айналуына қосып жатқан үлестері үшін алғысын білдірді.