Атырауда директор мен есепші ақша жымқырды

Атырауда арнаулы орталық есепшісі мен директоры 79 млн теңгені жымқырған, деп хабарлайды Bugin.kz порталы. 

Мәліметтерге сәйкес, арнаулы әлеуметтік қызметтер көрсету орталығының бас есепшісі 2021-2022 жылдары уақытша мекеме директоры міндетін атқарған кезінде өзінің және таныстарының банк есепшотына 73 млн теңге аударып, иемденген. Ал екінші сотталушы 2022-2024 жылдары орталықты басқарған кезінде 6 млн-нан астам соманы жымқырған. 

Есепші шығынның бір бөлігін өтеген. Ал директор барлық соманы қайтарды. 

Сот есепшіге 7 жыл, директорға 3 жыл 6 ай мерзімге бас бостандығынан айыру жазасын тағайындады.