Дәулет Тұрлыхановтың ұлына қатысты іс: апелляция қандай шешім шығарды?

Алматы сотының апелляциялық инстанциясы Нұрасыл Болаттың ісін қарады, деп хабарлайды Bugin.kz порталы.

Сот депутат Дәулет Тұрлыхановтың ұлына қатысты бірінші инстанция шешімін өзгеріссіз қалдырды. Қылмыстық істер жөніндегі сот алқасы Алматы қаласы Медеу ауданы №2 аудандық сотының сотталған Болат Нұрасыл Дәулетұлына қатысты қаулысын өзгеріссіз қалдырды. 

Апелляциялық қаулы жарияланған сәттен бастап заңды күшіне енді және кассациялық тәртіпте қайта қарауға жатпайды. 

Судья Болат Нұрасылдың пробация шарттарын бұзғанын мәлімдеді.

"Бірінші инстанцияда сот оған бас бостандығын шектеу жазасын тағайындаған болатын, алайда ол сот үкімін орындау тәртібін бұзған", - деп түсіндірді апелляциялық инстанцияның төрағалық етуші судьясы Нұржан Қарабаев.

Еске салайық, 22 қазанда Медеу аудандық соты Дәулет Тұрлыхановтың ұлына қатысты шешім шығарған болатын.