Астанада бойжеткен жаңа танысын сан соқтырды

Астанада жаңа танысын телефонсыз қалдырған күдікті ұсталды, деп хабарлайды Bugin.kz порталы.

Қалалық полицияға 39 жастағы ер адам арызданған. Оның айтуынша қонақүйде құны 700 мың теңгеден асатын телефоны ұрланған.

Жәбірленушінің бір күн бұрын көшеде қызбен танысқаны анықталды. Қалалық дүкендердің бірінде спирттік ішімдік сатып алып, жақын жердегі қонақүйден бөлме жалдаған. Ішімдік ішкеннен кейін ер адам ұйықтап қалған, ұйқыдан оянғанда телефонын таппаған. Қыздың да бөлмеде жоқ екенін білген. 

Полицейлер көрші ғимараттардың сырт жағындағы бейне бақылау камераларын қарады. Сарыарқа аудандық криминалдық полиция басқармасының қызметкерлері ұрыны тапты. Күдікті жігіттің енді танысқан  29 жастағы дос қызы екен. Қылмыстық іс тіркелді.