Президенттің сөзін бөлгендер қамауға алынды

Түркия президенті Режеп Тайып Ердоғанның сөз сөйлегенде сөзін бөлген 9 адам қамауға алынды, деп хабарлайды Bugin.kz порталы. 

Оқиға мемлекет басшысы Ыстамбұлдағы форум кезінде сөз сөйлеп жатқанда болған. 

Бірнеше адам Ердоғанның сөзін бөліп, түрік үкіметін эмбаргоға қарамастан Израильге мұнай экспортын тоқтатпағаны үшін сынға алды. Олар президенттің сөзін бөлгеннен бөлек, “геноцидті ушықтыруды тоқтат” деп ұрандатқан. 

Полиция демонстранттарды шара өтіп жатқан ғимараттан шығарып жіберді. Кейін оларға “президенттің ар-намысына тиді және заңсыз шеруге қатысты” деген айып тағылды.