Бүгіннен бастап камералар орташа жылдамдықты тіркейді

4 желтоқсаннан бастап жол қауіпсіздігін арттыруға және жол-көлік оқиғасын азайтуға бағытталған заң күшіне енді, деп хабарлайды Bugin.kz порталы. 

Енді автоматты тіркеу жүйесі арқылы “орташа жылдамдықты” асырғандар жауапкершілікке тартылады. “Орташа жылдамдық” жүрген жолдың ұзақтығын жүріп өткен уақытқа бөлу арқылы есептеледі. 

“Рұқсат етілген “орташа жылдамдықтан” асып кетсе айыппұл 5-тен 40 АЕК көлемінде болады. Яғни жолдардың түрлі учаскелерінде “орташа жылдамдық” әртүрлі болады, себебі формулаға сәйкес әр автокөлік автоматты түрде есептеледі”, - деді ІІМ Әкімшілік полиция комитетінің аға инспекторы Ақтоты Боранова.

ІІМ-нің мәліметінше, трассалардағы жол апатындағы әрбір үшінші адамның өлімі жылдамдықты асыру салдарынан болған.