Алматыда өнеркәсіп альпинисі биіктен құлап көз жұмды

Алматының орталығында өнеркәсіп альпинисі қаза тапты, деп хабарлайды Bugin.kz порталы. 

Қайғылы оқиға 3 желтоқсанда болған. 27 жастағы ер адам биік ғимаратқа жарнама баннерін орнату кезінде құлап кеткен. Алматы полициясы қылмыстық іс қозғалғанын хабарлады.

"Аудандық полиция басқармасы жанындағы полиция бөлімі ер адамның өліміне әкеп соқтырған еңбекті қорғау ережелерін бұзу фактісі бойынша қылмыстық іс қозғады. Оқиғаның мән-жайын анықтау мақсатында жұмыс жүргізіліп жатыр", - делінген қалалық департаменттің хабарламасында.