Петропавлда мектептің төбесі опырылып түсіп, үш оқушы зардап шекті

Петропавлда мектептің төбесі оқушылардың үстіне опырылып түсті, деп хабарлайды Bugin.kz порталы.

Жедел жәрдем станциясына кеше, 4 желтоқсан күні сағат 17:39-да №6 орта мектепте оқыс оқиға болғаны туралы қоңырау түскен. СҚО Денсаулық сақтау басқармасы мәліметінше, балаларға “миы шайқалған” деген диагноз қойылған.

"12 және 13 жастағы үш бала санитарлық авиациясы арқылы облыстық ауруханаға балалар ауруханасына жеткізілді. Қазір медициналық тексерістен өтіп жатыр. Жағдайлары тұрақты. Олар бүгін түнде дәрігерлердің бақылауында болады", - деп хабарлады облыстық денсаулық сақтау басқармасының баспасөз хатшысы Гүлнәр Сайлау.

Сынып төбесінің сылағы шамамен 2 шаршы метр аумақта құлап түскен.