Беташар ЮНЕСКО-ның мәдени мұра тізіміне енді

Беташар ЮНЕСКО-ның мәдени мұра тізіміне енді, деп хабарлайды Bugin.kz порталы.

Бұл туралы мемлекеттік кеңесші Ерлан Қарин мәлімдеді.

“Парагвай астанасы Асунсьонда өткен ЮНЕСКО-ның Материалдық емес мәдени мұраны қорғау комитетінің отырысында "Беташар" салтының тізімге енгені туралы шешім қабылданды”, - деп жазды мемлекеттік кеңесші Ерлан Қарин.

Беташар – қазақтың дәстүрлі үйлену рәсіміндегі ең маңызды салттың бірі. Ол келіннің жаңа отбасыға ресми таныстырылуын және оның жаңа мәртебесін айқындауды көрсетеді.