Денесін тілген: Журналист Думан Мұхаммедкәрім түрмеде аштық жариялады

Думан Мұхаммедкәрімнің адвокаты Ғалым Нұрпейісов журналистің денесін тіліп, аштық жариялағанын мәлімдеді, деп хабарлайды Bugin.kz порталы Азаттыққа сілтеме жасап. 

Талдықорғандағы тергеу изоляторында отырған журналист өзін Алматы облысындағы Заречный түрмесіне ауыстырмағанына наразылық ретінде денесін тілген, ізінше аштық жариялаған. 

Адвокаттың сөзінше, апелляциялық шағымы өзгермеген соң журналисті Алматы облысындағы Заречный түрмесіне жіберуі керек болған. Себебі заң бойынша ол өзі тұратын аймақта жазасын өтеуі керек. Адвокаттың Азаттыққа айтуынша, журналисті Талдықорғанға "құжаттарды алғаннан кейін Заречныйға ауыстырамыз" деп "алдап апарып", камераға жапқан. Түрмеге ауыстыруды талап еткен кезде карцерге жапқан.