Жамбыл облысында той жасауға тыйым салынуы мүмкін

Жамбыл облысында шығынға ұшырататын дүркіреген тойларға тыйым салынуы мүмкін, деп хабарлайды Bugin.kz порталы. 

Бұл туралы Жамбыл облысының әкімі Ербол Қарашөкеев айтты. Әкім Таразда күн сайын 20-25 мың адам тойда баратынын мәлімдеді. 
 

"Ішкі саясат саласына жетекшілік ететін орынбасарым осы мәселемен айналысады. Басты мақсат – ысырапшылдыққа, заңсыздыққа жол бермеу. Меніңше, тойға шашылатын ақшаны жастарға қолдау ретінде жұмсаған дұрыс", - деді Жамбыл облысының әкімі. 

Мәселені шешу үшін аймақ әкімшілігі қандай шара енгізетіні әлі белгісіз. Алайда қазір бұл үшін жетекші жұмыстар жүргізіліп жатқан көрінеді.