Bugin
Фото: freepik.com
Ұлттық қауіпсіздік органдары 4 террористік актінің алдын алды, деп хабарлайды Bugin.kz порталы.
Мемлекет басшысының қабылдауында болған Ұлттық қауіпсіздік комитетінің төрағасы Ермек Сағымбаев осылай мәлім етті.
Ермек Сағымбаев Президентке ведомствоның жыл басынан бері атқарған жұмысының негізгі қорытындылары және алдағы кезеңге арналған міндеттері туралы есеп берді.
ҰҚК төрағасының мәлімдеуінше, ұлттық қауіпсіздік органдары 4 террористік актінің алдын алған. Терроризм мен экстремизмге қатысы бар 84 адам сотталған, 44 адам ұсталған.
Сондай-ақ мемлекеттік органдардың ақпараттық жүйелеріне 552 миллионнан астам кибершабуылды және 6 мың DDoS-шабуылды тойтарған.
Президент кездесу соңында ұлттық қауіпсіздік органдары қызметінің бағыттары бойынша бірқатар тапсырма берді.
Альфия Адамбек
Қосымшаны жүктеп алыңыз
