Енді қазақстандықтар өзін құмар ойыннан 10 жылға шектей алады

Енді қазақстандықтар өзін құмар ойыннан 10 жылға дейін шектей алады, деп хабарлайды Bugin.kz порталы.

Бұған дейін қазақстандықтар өзін 12 айға ғана құмар ойынынан шектей алатын. Енді бұл мерзім 10 жылға дейін ұзартылды. Қызметті eGov mobile арқылы пайдалануға болады.Қызмет тек 21 жастан асқандар үшін қолжетімді.

Құмар ойыннан өзін шектеу үшін мына қадамдарды орындау қажет:

• eGov mobile қосымшасына кіріп, "Қызметтер" → "Спорт" бөлімін таңдаңыз;
• "Құмар ойындарға және бәс тігуге қатысуға шектеу қою" қызметін таңдаңыз;
• шектеудің аяқталу жылы мен айын көрсетіп, "Қызметке тапсырыс беру" батырмасын басыңыз;
• өтінішке Face ID/Touch ID арқылы қол қойыңыз.

Осыдан кейін әлгі азамат автоматты түрде құмар ойындарға қатысуға шектеу қойылған тұлғалар тізіміне енеді және өтінішін кері қайтара алмайды. Ал осыған дейін шектеу қойғандар үшін мерзімді ұзарту мүмкіндігі қарастырылған.

Бүгінге дейін 173 868 адам өзін құмар ойындардан шектеген.