ТҮРКІСТАН ОБЛЫСЫ: АНАЛАРҒА АЛТЫН АЛҚА ТАБЫСТАЛДЫ

Бүгін аудан әкімі Қайрат Жолдыбайұлы аудандағы көпбалалы аналарды қабылдап, құрмет көрсетті. Аналар алдында сөз алған аудан басшысы аналардың өмірдегі рөлі мен жас ұрпақ тәрбиелеуде жасаған еңбектеріне құрмет көрсетіп, алғысын білдірді, деп хабарлайды Bugin.kz порталы Түркістан облысы әкімінің баспасөз қызметіне сілтеме жасап.

Жыл сайын Мемлекет Басшысының Жарлығымен жеті және одан артық баланы дүниеге әкелген аналарға «Алтын алқа» наградасы, ал алты баланы дүниеге әкелген аналарымызға «Күміс алқа» беріледі. ҚР Президентінің 2024 жылғы 21 қазандағы №679 Жарлығы бойынша отырарлық 6 анаға «Алтын алқа» және 18 анаға «Күміс алқа» белгілері табысталып отыр.

Бүгінде Отырар ауданында 88 батыр ана, «Алтын алқа» орденімен марапатталған 700 ана, «Күміс алқа» орденімен марапатталған 1288 ана, І-ІІ дәрежелі «Ана даңқы» орденімен марапатталған 150 ана бар.