ТҮРКІСТАН ОБЛЫСЫ: ОТЫРАР АУДАНЫНДА КЕЗЕКТІ АППАРАТ МӘЖІЛІСІ ӨТТІ

Бүгін аудан әкімі Қайрат Жолдыбайұлының төрағалығымен кезекті аппарат мәжілісі өтіп, жиынға аудан әкімінің орынбасарлары, ауыл округтерінің әкімдері, дербес бөлімдер мен мекеме басшылары қатысты, деп хабарлайды Bugin.kz порталы Түркістан облысы әкімінің баспасөз қызметіне сілтеме жасап.

Жиында «Д» және «Е» деңгейлердегі отбасылардың санын кедейлік пен жұмыссыздық деңгейінен шығару, қыс мезгіліндегі төтенше жағдайлардың алдын алу шаралары, сондай-ақ өзге де өзекті мәселелер қаралып, күн тәртібіндегі мәселелер пысықталды.

Аталған мәселелер бойынша аудандық жұмыспен қамту және әлеуметтік бағдарламалар бөлімінің басшысы Ж.Қуатбеков пен аудандық төтенше жағдайлар бөлімінің басшысы Мейрамхан Кемелханов баяндама жасап, салалары бойынша атқарылып жатқан жұмыстарға тоқталды.

Сонымен қатар жылыту маусымына дайындық жұмыстарының барысы, тұрғын үйлердің газға қосылуы, аулалар мен қоғамдық орындардың тазалығы, жер қайтару жұмыстары туралы аудандық тұрғын үй – коммуналдық шаруашылық жолаушылар көлігі және автомобиль жолдары бөлімінің басшысы С.Нәлібай мен аудандық жер қатынастары бөлімінің басшысы Б.Әшір хабаралма жасап, күн тәртібінен түспейтін өзекті мәселелердің орындалуы жөнінде атап өтті.

Жиында аудан басшысы елді мекендерді газдандыру бойынша атқарылып жатқан жұмыстар өз бақылауында болатынын айта келе, санитарлық тазалық, қыс мезгілінде төтенше жағдайлардың алдын алу және жылыту маусымына дайындық жұмыстары бойынша жауапты бөлім басшылары мен ауыл округтерінің әкімдеріне нақты тапсырмалар жүктеді.