ТҮРКІСТАН ОБЛЫСЫ: ҚОЛ ДОБЫНАН ЖАСӨСПІРІМ ҚЫЗДАР АРАСЫНДАҒЫ ОБЛЫСТЫҚ ЧЕМПИОНАТТЫҢ АШЫЛУ САЛТАНАТЫ ӨТТІ

Ақсукент ауылы, «Қайрат» спорт кешенінде гандболдан 2007 ж.т және одан кіші жасөспірім қыздар арасындағы Түркістан облыстық чемпионатының ашылу салтанаты өтті, деп хабарлайды Bugin.kz порталы Түркістан облысы әкімінің баспасөз қызметіне сілтеме жасап.

Аталған жиын Мемлекет басшысының жолдауын жүзеге асыра отырып, аудан аумағында қол добы ойынының ауқымдылығын арттыруға арналды.

Салтанатты рәсімде аудан әкімінің орынбасары Мадияр Әліпов пен «Аmanat» партиясы Сайрам аудандық филиалының атқарушы хатшысы Қуаныш Сыздықов алғысөз сөйледі. Жарысқа қатысушыларға сәттілік тілеп, дүбірлі додаларда еліміздің намысын абыройымен қорғайтындарына сенім білдірді.

Ауыл жастарын спортқа баулуға бағытталған жарысқа Түлкібас ауданынан 1, Түркістан қаласынан 1, Сайрам ауданынан 4, жалпы 6 команда қатысуда.

Түркістан облысының құрама командасына жас талантты спортшыларды сұрыптайтын сайыс алдағы уақытта жалғасын тауып, нәтижесі нақтыланатын болады.