ТҮРКІСТАН ОБЛЫСЫ БӘЙДІБЕК АУДАНЫНДА АУДАНДЫҚ МӘДЕНИЕТ, ТІЛДЕРДІ ДАМЫТУ, ДЕНЕ ШЫНЫҚТЫРУ ЖӘНЕ СПОРТ БӨЛІМІНІҢ БАСШЫСЫ ТАҒАЙЫНДАЛДЫ

«Қазақстан Республикасының Мемлекеттік қызмет туралы» Қазақстан Республикасы Заңының 19, 27, 29, 30-баптарына және «Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің 2017 жылғы 21 ақпандағы №40 бұйрығымен бекітілген «Б» корпусының мемлекеттік әкімшілік лауазымына орналасуға арналған конкурсты өткізу» Қағидаларының 101 тармағына сәйкес, аудан әкімінің өкімімен Ауельбекова Айнур Сериковна 2024 жылдың 06 желтоқсанынан бастап Бәйдібек аудандық мәдениет, тілдерді дамыту, дене шынықтыру және спорт бөлімінің басшысы лауазымына тағайындалды, деп хабарлайды Bugin.kz порталы Түркістан облысы әкімдігінің баспасөз қызметіне сілтеме жасап. 

Аудан әкімінің орынбасары Бағдатбек Жанғазиев тағайындалған бөлім басшысымен таныстырып, жаңа қызметіне сәттілік тіледі.

Ауельбекова Айнур Сериковна 1976 жылы 31 қазан күні Бәйдібек ауданында дүниеге келген. 1998 жылы Қазақтың Ұлттық педагогтік институтын қазақ және басқа ұлт мектептеріндегі орыс тілі мен әдебиеті мамандығы бойынша бітірген. 

Еңбек жолын 1998 жылдың тамыз айынан Бәйдібек ауданы Шаян көп салалы лицей жалпы орта мектебінің орыс тілі пәнінің мұғалімі болып бастап, 2003 жылдың қыркүйек айынан бастап аталған мектепте директордың тәрбие ісі жөніндегі орынбасары, 2007-2011 жылдары Күлтөбе негізгі мектебінің директоры, 2011-2016 жылдары №1 мектеп-интернатының интернат меңгерушісі, 2016 жылы Т.Қазақбаев атындағы жалпы орта мектебінің директоры, 2016-2018 жылдары Шаян көпсалалы лицей жалпы орта мектебінің директоры, 2019-2021 жылдары аудандық сайлау комиссиясының хатшысы, 2021 жылы Шаян ауылдық округінің әкімі қызметтерін атқарып келген.