ТҮРКІСТАН ОБЛЫСЫНДАҒЫ АУДАНДАРДА ТАЗАЛЫҚ ЖҰМЫСТАРЫ ЖҮРГІЗІЛІП, ТҮРЛІ КӨШЕТТЕР ОТЫРҒЫЗЫЛДЫ

Сенбілік жұмыстарының қоғамның назарын тұрғылықты жеріңнің тазалығын сақтауға аударып, экологиялық мәдениетті қалыптастыруда маңызы зор, деп хабарлайды Bugin.kz порталы Түркістан облысы әкімдігінің баспасөз қызметіне сілтеме жасап. 

Осы орайда Жетісай ауданының әкімі Серік Үсенұлының тарсырмасымен қала, кент және барлық ауылдық округтерде жаппай сенбілік жұмыстары ұйымдастырылып, мемлекеттік және квазимемлекеттік мекеме қызметкерлері, ерікті жастар мен аудан тұрғындары, мәслихат депутаттары мен қоғамдық ұйым мүшелері қатысты.

Аталмыш сенбілік аясында мемлекеттік және квазимемлекеттік мекеме қызметкерлері өздеріне бөліп бекітілген көшелерде тазалық жұмыстарын жүргізсе, ауданның әрбір тұрғыны үй іргелік жерлерін күл-қоқыстардан, жапырақтардан тазартты. Сонымен қатар, сенбілік барысында саябақтар мен көшелер, арық-атыздар тазаланды.

Сонымен қатар, сенбілік барысында ауданға кірер негізгі күре жолдпрдың бойы тазартылып, жасыл желеңге айналдыру мақсатында түрлі декоративті ағаштардың көшеттері отырғызылды. Әрбір көшетті күтіп-баптау жұмыстары тұрғындарға түсіндіріліп, мамандар табиғатты аялауға шақырды.

«Көгалдандыру, тал егіп, оны күтіп-баптау баршамызға ортақ іс болуы тиіс. Өйткені, бүгінгі біздің еккен ағаштарымызды болашақта біздің ұрпағымыз саялайтын болады. Тазалық – бірінші кезекте өз денсаулығымызды сақтауға септігін тигізсе, көшет отырғызу – жасыл белдеу қалыптастырудың негізі» дейді аудан басшысы.