ТҮРКІСТАН ОБЛЫСЫНЫҢ КЕЛЕС АУДАНЫ ӘКІМДІГІНІҢ “ЖАСТАР РЕСУРСТЫҚ ОРТАЛЫҒЫ” ОБЛЫСТА ҮЗДІК АТАНДЫ

Түркістанда «Жыл көшбасшылары» жобасы аясында облыстағы әр саланың кіл мықтылары анықталып, «Үздік жастар премиясы – 2024» байқауының марапаттау кеші өтті, деп хабарлайды Bugin.kz порталы Түркістан облысы әкімдігінің баспасөз қызметіне сілтеме жасап. 

Жобада «Үздік Жастар ресурстық орталығы» КММ-і  аталымы бойынша Кентау қаласы және Келес пен Сауран аудандық Жастар ресурстық  орталығы марапатталды.

Аталған байқау өңірдегі мемлекеттік жастар саясатын жүзеге асыру және мемлекеттік жастар саясатының дамуына, елдің саяси және қоғамдық өміріне белсене араласып, ерекше үлес қосқан жас азаматтарды, түрлі салада өзінің білімімен, талантымен, белсенділігімен топ жарған жастарды анықтау және марапаттау мақсатынды ұйымдастырылды.