Асылдың сынығы: Белгілі ғалым көз жұмды

Мұхамеджан Тынышбаевтың ұлы өмірден өтті, деп хабарлайды Bugin.kz порталы. 

Ғалым, техника ғылымдарының докторы Дәулет Шейх-Әли-Тынышбаев АҚШ-та көз жұмды. 

Дәулет Мұхамеджанұлы 1964 жылы Уфа мұнай ғылыми-зерттеу институты­ның қойнаудағы мұнай және газ зертханасының жетекшісі болып тағайындалады. Осы жерде 18 жыл тұрақты еңбек етеді. 

1983 жылы Дәулет Мұхамеджанұлының бастамасымен қойнау және қойнаудағы газ іспетті сұйық магма құрамдарының коллекторлық қасиеттерін зерттеу бойынша ғылыми-зерттеу бөлімі ашылып, осы бөлімге жетекшілікке жіберіледі. 2001 жылға дейін тағы да 18 жыл қызмет етеді.