Астанада жолаушы такси жүргізушісін сан соқтырды

Астанада жолаушы такси жүргізушінің телефонын ұрлап кеткен, деп хабарлайды Bugin.kz порталы. 

Полицияға телефоны ұрланғаны жөнінде такси жүргізушісі шағымданған. Оның айтуынша, жолаушы жолдан оны тоқтатып, белгіленген жерге апарып салуын өтінген. Кейін көліктің салонында екі орындықтың ортасындағы тіректе тұрған телефонды ұрлап, көліктен түсіп кеткен. Жүргізуші телефонының жоғалғанын байқап, полицияға хабарласады.

Алматы аудандық криминалдық полиция қызметкерлері 38 жастағы күдіктіні анықтап, үйінен ұстады. Қылмыс бейнебақылау көмегімен ашылған.